Bego e o mundo do reves

A Bego encántalle estar coa súa panda baixo o carballo que medra a carón da súa casa, no barrio do Calvario. Tamén os acompaña Circe, unha gata máxica con ollos amarelos de cacharela, de chupa-chups de limón. A súa vida transcorre feliz, pero murcha polas noites, cando non é quen de coller o sono e precisa da súa nai, que a calma contándolle historias doutros tempos e doutros lugares. Unha mañá, a profesora de Francés da escola comeza a facer cousas estrañas…

Editorial

GALAXIA EDITORIAL

Colección

INFANTIL A GALEA 282

Formato

Tapa blanda

Páginas

182

Año

2026

Idioma

Español

ISBN

9788411765688

Iria Collazo López naceu en Barro, Pontevedra. Estudou Filoloxía Galega na Universidade de Vigo e titulouse co Premio Extraordinario Fin de Carreira. Hoxe é profesora de Lingua e Literatura Galega. Publicou diversas obras, coma a novela Coma unha áncora; o libro de relatos A soidade das medusas, traducido para o francés e o portugués do Brasil, e a novela infantil A casa do paralelo 54, publicadas en Editorial Galaxia.

Como poeta deu ao prelo De casa queimada, que gañou o segundo premio do Certame Torre da Caldaloba. En 2021 recibiu a I Bolsa Intercambio Xacobeo con Tbilisi, da Consellería de Educación e Ordenación Universitaria, en colaboración coa Residencia Literaria 1863. Alí, na capital de Xeorxia, escribiu boa parte da novela Os mortos que amei, tamén publicada en Editorial Galaxia.