Volveredes brindar por min. Unha biografía de Begoña Caamaño

A partir de arquivos persoais, conversas e lembranzas compartidas, álbums íntimos, rastros documentais dispersos, apuntamentos e pegadas en soportes singulares, Ana Romaní e María Xesús Nogueira ofrécennos “unha” biografía de Begoña Caamaño, para chegar a unha obra, a unha peripecia vital, que fala da xornalista que foi, das preocupacións que sedimentaron o seu traballo e a súa visión dos medios de comunicación.

Este é, pois, un exercicio de reconstrución colectivo desde a confianza e a complicidade, co apoio imprescindible da rede de relacións que a escritora e xornalista xerou na súa vida, escrito a catro mans polas que foron amigas súas, a través de desemellantes memorias que configuran unha visión de conxunto.

Editorial

Editorial Galaxia, S.A.

Colección

Letras galegas clásicos 24

Formato

Tapa blanda

Páginas

244

Año

2026

Idioma

Gallego

ISBN

9788411765893

Ana Romaní (Noia, 1962) é xornalista e poeta. O seu labor como directora durante décadas do programa Diario Cultural, da Radio Galega, foi recoñecido co Premio Nacional de Xornalismo Cultural en 2018. Como poeta é dona dunha voz singular que se plasmou en libros como Arden (1998), Love me tener (2005), Estremas (Galaxia, 2010) e A desvértebra (2020). É membro da Real Academia Galega.

María Xesús Nogueira (Berres, A Estrada, 1968) é profesora de Literatura Galega da USC e crítica literaria. Desde hai anos vén ocupándose da poesía galega contemporánea en libros como 13. Antoloxía da poesía galega próxima (2017) e Xela Arias. Poesía reunida (2018), entre outros, e profundando na relación entre os procesos de creación literaria e o xénero.