O misterio de portomarin

Antón, Sabela, Iria e Carola son irmáns e, como tal, nunca están de acordo en nada. Súa nai decide levalos a Portomarín durante o verán e por vez primeira coinciden en algo: esas van ser as peores vacacións da súa vida.

O que non saben é que alí encontrarán a Venres, un can que se converterá no quinto membro do grupo, e que atoparán algo moito máis inquietante. Que agochan as ruínas da antiga vila mergullada baixo o Miño? Que segredos ocultan, desde hai décadas, as veciñas e veciños de Portomarín? Poderá o grupo enfrontarse aos perigos que axexan e descubrir a verdade asolagada sen sufrir ningún dano?

Primeira entrega da saga dos Misterios, coa que máis de 30.000 lectoras e lectores xa descubriron as súas habilidades detectivescas!

Editorial

GALAXIA EDITORIAL

Colección

OS MISTERIOS DE ANTIA YAÑEZ 1

Formato

Tapa blanda

Páginas

140

Año

2026

Idioma

Gallego

ISBN

9788411766548

Antía Yáñez (Burela, 1991) é enxeñeira, escritora, docente, lectora empedernida e rabuda, non necesariamente nesa orde. Como narradora comezou escribindo relato curto e deu o salto á novela con O misterio de Portomarín (Galaxia, 2016), o primeiro libro da saga que tes entre as mans, que continúa en O misterio do torque de Burela (Galaxia, 2019).

Para o público infantil e xuvenil tamén publicou as obras Plan de rescate (2020), Premio Agustín Fernández Paz pola igualdade; a saga distópica Be Water (2019) e Be Water II. Terra (2025); e Bragakadabra (2026), Premio Raíña Lupa de Literatura Infantil, entre outros. Para o público adulto escribiu Senlleiras (Galaxia, 2018), Non penses nun elefante rosa (2022) e O clan das barbies (2024). As súas obras foron traducidas ao castelán e catalán.