Amólate, malvada DA!. Guía para nenas e nenos valentes con dermatite atópica

Ola! Chámome Artur coma un cabaleiro moi famoso que era superforte.<br>Teño máis ou menos a túa idade. Sei ler e escribir.<br>De cando en vez pónseme a pel vermella e pícame a rabiar.<br>A maldita Dermatite Atópica, a DA, é a culpable e eu estou desexando revelarche o meu segredo: Xa sei vencela!

Editorial

HERCULES EDICIONES

Colección

NOVAS LECTURAS DE HERCULES 68

Formato

Bolsillo

Páginas

80

Año

2026

Idioma

Gallego

ISBN

9791387987206

Fina Casalderrey naceu en 1951 en Santo André de Xeve, Pontevedra. A súa infancia nun ambiente rural e as historias que lle contaba o seu pai influíron na súa imaxinación e na súa futura carreira literaria. O galego, a súa lingua materna, foi fundamental na súa vida e obra, marcada tamén pola experiencia da diglosia e pola defensa da lingua e da cultura galegas.

Formouse como mestra e exerceu a docencia durante corenta anos. A súa experiencia educativa foi decisiva para achegarse á literatura infantil e xuvenil (LIX). Comezou adaptando contos populares ao teatro e creando pezas para representar co seu alumnado, actividade que mantivo ao longo da súa carreira.

Ademais, desenvolveu proxectos de investigación etnográfica sobre tradicións, lendas, xogos e cantigas populares galegas. En 1991 iniciou a súa traxectoria editorial coa novela xuvenil “Mutacións xenéticas”. Desde entón publicou máis de sesenta títulos, principalmente dirixidos ao público infantil e xuvenil, así como numerosas colaboracións colectivas.

As súas obras, escritas orixinalmente en galego, foron traducidas a múltiples linguas, contribuíndo á difusión da literatura galega. En 1996 recibiu o Premio Nacional de Literatura Infantil e Xuvenil por “O misterio dos fillos de Lúa”. A súa traxectoria consolidouna como unha figura destacada da LIX galega.

En 2013 ingresou na Real Academia Galega, recoñecendo a súa importante contribución á literatura, á educación e á cultura galegas.